Notitia de donatione altaris de Useyes monasterio Cluniacensi et ecclesiæ Altæ Petræ a Pontio Bisuntinensi archiepiscopo facta.
Notum facimus omnibus, tam præsentibus quam futuris, quod ego Pontius, dum essem Bisontinæ sedis archiepiscopus, ecclesiæ Beati Petri Altæ Petræ altare de Useyes cum appendiciis suis dedi. Signum domni Magnerii archidiaconi et decani Sancti Johannis Evangelistæ. Signum Aldrici, decani. S. Pontii, prioris predictæ ecclesiæ. S. Alcherii, S. Hermenfredi, S. Lamberti, canonicorum ejusdem ecclesiæ. S. Dodonis, presbiteri.